سناتو — لاتین لساننده اختیار معناسنه اولان (سنه كس)+دن مشقتدر اوروپاجه بو نام حكومت طرفندن برچوق وظائفی حائز اولان هیئت شورایه اعطا اولنوركه جمهوریته قارشو فرقۀ اعیانك بر عنصری دیمكدر
متقدمین نزدنده سناتولرك اك مشهوری (سنهدرین) نامیله معروف اولان یهودیلرك سناتوسی و (لیقورغ) طرفندن تأسیس اولنوب سنلری التمشدن اشاغی اولمامق شرطیله ۲۸ شخصدن مركب اولان اسپارتلرك سناتوسیدر بو سناتو قرال ایله برابر فتق ورتق اموره حصه+دار و مقتدر اوله+رق اعضالری
اهالی طرفندن انتحاب ایدیلور ایدی سولون طرفندن تأسیس اولنان آتنه سناتوسی دخی شهرتده اوبرلرندن اشاغی قالمیوب مقدما درت یوزلر تسمیه قلنان درت یوز اعضادن مركب اولدیغی حالده مؤخراً (٥۰۸٤ خ) تاریخده بعنی میلادك بش یوز اون سنه مقدمنده (سیستن) معرفتیله اعضالری بش یوزه ابلاغ و قرعه ایله تعیین اصول وضع ایدیلوب پریتانی دنیلان مأموریتلره تقسیم اولندی و نهایت بونلرك اك مهمی اولمق اوزره روما سناتوسی پایدار موقع اقتدار اولدی متأخرینده ابتدا اهمیت قزانان سناتو اعیانه وكالت ایدن (پره غادی) نام وندیك سناتوسیدركه اعضالری یكرمی بش یاشندن اشاغی اولمامق شرطیله التمش نفر اصلزادكاندن عبارت ایكن برمدت صكره یوزه ابلاغ اولنمشیدی اون التنجی عصر میلادیده تأسیس و (۱۷۷۲ م و ۱۱۸۶ ه)+ده اوچنجی غوستاو طرفندن لغو اولنوب (۱۸۰۹ م )+ده مجدداً تشكیل ایدیلان اسوج و ممالك مجتمعه سناتولری دخی بو جمله+یه داخل ایسه ده بونلرك اك صوك و مهمی فرانسه سناتوسیدر
محافظه+كار سناتوسی فرانسه+ ده (۱۷۹۹ م و ۱۲۱٤ ه) تاریخنده قانون اساسی واسطه+سیله احداث اولنمش بر هیئت سیاسیه ایدی بو هیئت قانون اساسینك محافظه+سنه و قوانینك حسن جریاننه نظارت و مخالف اولان موادی رد و تمییزه خدهت ایدر. وقید حیات شرطیله بولنور ایدی صكره اعتباردن دوشوب (۱۸٥۲ م و ۱۲٦۹ ه) تاریخنده ینه قانون اساسی واسطه+سیله و اولكندن معتبر و نفوذلی بر سناتو دها تشكیل اولندیس ده او دخی اون سكز سنه+دن زیاده سورمدی