سمن — علم حیوانات اربابنك قولنجه سن انسانی (صباوت) (شبابت) (رشت) (شیخوخت) ناملریله درت قسمه منقسمدر. برنجیسی اولان سن صباوت ایكی قسم اولوب قسم اولی حین ولادتدن یدی یاشنه و قسم ثانیسی اركك چوجقلرده یدی یاشندن اون درت و قیز چوجقلرده كذلك یدی یاشندن اون بر و اون ایكی یاشنه وارر بونلره ایلك صباوت و صوك صباوت دخی اطلاق ایدلمكدەدر. ایكنجیسی اولان سن شبابت صباوتك ختام بولدیغی زماندن بدأ ایدرك یكرمی بشنجی و اوچنجیسی اولان سن رشد اللی بشنجی سنه+یه قدر كیدر واشبو سن رشدده وجود وقوی کمالنی بولور و بو اثناده سن رجولیت یكرمی بشنجی سنه+دن اوتوز بشنجی سنه+یه و سن کمال اوتوز بشنجی سنه+دن اللی بشنجی سنه+یه قدر دورینی اجرا و اكمال ایدر بو مدته سن وقوف دخی تعبیر اولنمقدەدر
دردنجیسی اولان سن شیخوخت دخی اللی بش ویاالتمشنجی سنه+دن بدأ ایدرك هرم و موت ایله نهایت بولور
برنجی سنه+دن یكرمی بشنجی سنه+یه قدر صباوت و رشدی شامل اولان سنی برنجی و یكرمی بشنجی سنه+دن اللی بشنجی سنه+یه فدر ممتد اولان سن وقوفی ایكنجی و اندن یوقاری اولان سن تناقص و هرمی اوچنجی اعتبار ایدنلرده وارد
سنك حقوق مدنیه و معاملات سیاسیه+جه مدخل كلیسی جمله+یه معلوم اولدیغندن بو بابده تفصیله حاجت كوریله+مز. كهله+لم سن حیوانات و نباتاته باركیر و سائر دواب و بعض مواشینك سنلری دیشلرینك حالنه كوره تعیین و تعیین سن ایدەجك علامت كوریله+ مدیکی حالده کچكین اعتبار اولنور و بوینوزلی حیوانلرك سنلری بوبوینوزلرینك اوزرنده اولان حلقه+لر صایلمغله بیلنور لكن اوكوز و مانده+لرده برنجی خلقه+لر اوچ یاشنده ظهور ایلدیكندن انی اوچ و قصورلرینی برر سنه اعتبار ایتمك لازمه+دندر قوشلرك كنجی دائما توكنك دوز كونلكندن و نباتاتك بر ویا ایكی ویا اوچ و دها زیاده معمر اولنلری حال و فصیله+لرندن بللودر. اغاجلرك ایچنده بعضیسی پك چوق زمان معمر اولور حتی (ده+لونشان) نامنده بری اسقوچیاده قورتنفال شهرنده بر ( سروی) اغاجنك یاشنی اوچ بیك سنه تخمین ایتمش و (بروله) نام حكیم (باعوباب) اغاجنك التی بیك سنه+لكنی فناً اثبات ایلمشدر اغاجلرك سنی دخی قطع اولنان محلنده بری بری ایچنده كورینان حلقه+لردن تخمین اولنه+بیلور. (باعوباب) كلمه+سنه نظر بیوریله