سمیه — صحابیاتدن سمیه بنت خیاط+دركه (عمار بن یاسر) الصحابینك والده+سیدر جاریه جنسندن اولوب صدراسلامده قبول ایمان ایله تشرف ایدنلردن بولنمغله مشركین اللرنده پك چوق عذاب و اشكنجه چکمش و اك صكره یعنی قبل الهجره (ابو جهل) خبیثنك ضربۀ حربه+سیله شحیداً وفات ایلمشدر. ابن اثیرك روایتنه كوره اسلامده اك اول شهید اولان بو خاتوندر. (سمیه) شعرای جاهلیه+دن صاحب معلقه اولان مشهور عنترة بن شدادك دخی اوکی والده+سی اسمیدر نته+كیم مرقوم آنی بعض اشعارنده متظلمانه یاد ایلمشیدی كتب لغتده (آلان) كلمه+سنك لامی مفتوح قلنه+رق همزه+سی تخفیفاً حذف اولنوب (لان) قالدیغی استشهادینه دائر ایراد اولنان (تعزیت عن ذكری سمیة حقبة فبح لان منها بالذی انت بائح) بیتی دخی او جمله+دندر