سمرقند یاخود (ماراقاندا) — تركسنان مستقلده بر شهردر بو شهر زرافشان نهری قربنده بخارا خانلغنك ایكنجی شهری اولوب بخارانك ایكیوز كیلومترو بعد شرقیسنده بولنور اون ایكی بیك نفوسی و برطاقم جوامع و مساجد و مكاتبی و بر عدد اسكی سرای ایله تیمورلنكك مزارینی شاملدر وقتیله بوراده (اولغ) بكك یاپدیردیغی رصدخانه حالا مشاهده ایدلمكدەدر. حریرلی كاغد و اقمشۀ قطنیه و حریریه و معمولات سائرەسی بولندیغی كبی تجارتی دخی غایت ایشلكدر. سمرقند (٥۱۲۹ ه) تاریخنده یعنی میلادك درتیوز التمش بش یاخود سكز بوزسنه مقدمنده ملوك تبابعه+دن (شمرمرعش) نام حكمدار معرقتیله بعدالتخریب مجدداً انشا اولنه+ رق (شمر) تسمیه اولنوب صكره شین سینه تحویل و(كند) لفظلی علاوه و كند دخی قنده تبدیل اولمغله (سمرقند) نامی شهرت بولمشدر اشبو انشا اولنان شهرك برنده دها اول (صغد) یاخود (صوغدیان) شهری وار ایدی. بو نام بعضا ولایتك عمومنه دخی اطلاق اولنور. بوراسنی (۷۱۱ م و ۹۳ ه) تاریخنده امویه امراسندن مشهور (قتیبه ) نام قهرمان فتح ایتدی و بو فتحده ید اسلامه پك چوق غنیمت كیردی و (۱۲۲۰ م و ٦۱۷ ه)+ده دخی جنكیز خان ضبط ایدوب قتل عام اجرا ایلدی و مشهور تیمورلنك زماننده
كرسیء اداره اتخاذ اولندی اولوقت سمرقند هرتطرفجه كونش كبی شعشعۀ اقبال و شوكتی لامع و یوزاللی بیکی متجاوز نفوس ایله اوچ یوزدن زیاده معابدی جامع ایدی مؤخراً انقلابات چرخ بیقرار ایله اون التنجی عصردن برو بلای انحطاطه كرفنتار اولمشدر