لغات تاریخیه و جغرافیه

Lugat-ı Tarihiyye ve Coğrafiyye

سمادرك

Semadirek

مسكون ایدی الیوم پلاژلرك قدیم مذهبلری بقایاسی ظن اولنان قابیرلرك مرموزی بر عبادتلری الیوم بوراده اجرا اولندیغی حس اولنور سمادرك مدیایلرك محاربه+سنه دكین مستقل اولوب (٥۰۸٦ خ) تاریخنده یعنی میلادك بشیوز سكز سنه مقدمنده دارانك تحت اطاعتنه اندن آتنه+لیلره مؤخراً اسكندرك پدری فلیبه حرباً منتقل و بر مدت دخی داخلاً استقلالنه طوقنلمامق اوزر روما حمایه +سنه داخل اولمشیدی (۱۲۰٤ م و ٦۰۱ ه) تاریخنه دكین روم ایمپراطورلغنك قسمندن معدود ایكن مؤخراً وندیكلولره و (۱٤٦۲ م و ۸٦۷ ه )+ده سلطان محمد ثانی ضبطندن جنویز پرنسلر+ینه كچدیکی حالده اخیراً استقلال محاربه+سنه قارشدیغندن الیوم ید تصرفنده اولان عثمانلیلرك صدمۀ فتح و تأدیبنه کرفتار اولدی شمدی انجق بیك بشیوز نفوسی جامعدر