سلیم خان ثالث — ملوك عثقمنیه+دن یكرمی سكزنجی پادشاهدر و سلطان مصطفی خان ثالثك اوغلیدر مدت سلطنتی اولان اون سكز بچق سنه ظرفنده اوستریایلر مهادیه و بلغراد و سمندرەیی و روسیه+لیلر ( اوزی) و بندر و كیلی و اسماعیلی الدیلر و فوقشان محاربه+سنی قزاندیلر. عساكر اسلامیه (بوزه) بوزغوننده كلیتلو خساره اوغرادی روسیه جنرالی (پوتمكین) اوزی فلعه+سنده اولان یكرمی بش بیك اسلامی و اسماعیل اهالیسنی قتل عام ایتدی. درسعادتده نظام جدید عسكری یازلدی. دولت علیه اسوج دولتیله عقد اتفاق ایتدیسه ده بر ثمره حاصل اوله+مدی پازوند اوغلی روم ایلینك شمال جهتنی ضبطنه كچوردی. فرانسزلر مصری آلوب اوچ سنه صكره تخلیه ایلدی. وهابیلر خساره باشلادی. روسیه تفلیسی
بلا محاربه آلدی. مصر سر چشمه+سی (محمد علی) اغا عقیب اختلالده یعنی (۱۸۰٥ م و ۱۲۲۰ ه) تاریخنده والی اولدی. (۱۲۲۱ ه)+ده روسیه+یه ایكنجی دفعه اوله+رق اعلان حرب اولندی. انكلیز دوننماسی خصمانه درسعادت پیشكاهنه كلوب ینه دوندی. اشقودره متصرفی قره محمود پاشانك غائله+سی مقتولیتیله بر طرف اولدی. (۱۷۸۹ م و ۱۲۰٤ ه)+ده فرانسه اختلال كبیری باش كوستردی. (۱۲۲۲ ه)+ده قباقجی اختلالی ظهوره كلوب یكیچهریلر اون بش سنه+دن برو قرارلشمش اولان نظام جدیدك لغوینی اعلان ایله سلطان مشارالیهی خلع ایلدكلرندن علمدار مصطفی پاشا ینه اجلاسی ایچون حرباً درسعادته كلدیسه ده بعض سرای خائنلری پادشاهی شهید ایلدكلرینه مبنی موفق اوله+مدی و مهر همایونی آلوب جلوس ایدن سلطان محمود ثانی حضرتلرینك امریله صدارته اوتوردی شهید مشار الیهك ولادتی (۱۱۷٥ ه) جلوسی . (۱۷۸۸ م و ۱۲۰۳ ه) شهادتی (۱۸۰۸ م و ۱۲۲۳ ه) تاریخلریدر