سلیم خان ثانی — دولت عمسایه+ده اون برنجی پادشاهددر و سلطان سلیمان خان اولك اوغلی و سلطان مراد خان ثالثك پدریدر مدت سلطنتی اولان طفوز سنه ظرفنده قبریس اطه+سی ضبط اولندی (جزیرۀ مذكورده واقع ماوسه قلعه+سی فتحنده كلیتلو تلفات ویرمشیدی) و جزایر امیری قلج علی بكك همتی و اهالیسنك موافقیتله (تونس) قطعه+سی حفصیوندن آلندی و (۱٥۷۱ م و۹۷۹ ه)+ده قورفو و كفالنیه+یی استرداد مأموریتیله كیدن دوننمای همایون ( پره+وزه) آچیقلرنده وندیك و متفقلری اولان ایتالیا و اسپانیا دوننماسنه مغلوب اولدی و خیرالدین قپودان معرفتیله عدن قلعه+سی حرباً النوب پورتكیزلرك دوننماسی دفع ایدلدی و (۱٥۷۲ م و ۹۸۰ ه) +ده مسجد حرامك كاركیر اوله+رق انشاسی اكمال اولنوب طرابلس فتح اولندی و ادرنه+ده شاه مشار الیه نامنه بر بیوك جامع شریف یاپلدی . ولادتی (۹۳۰ ه)+ده اولوب (۹۷٤ ه) سنه+سی بلغرادده جلوس ایتمش. (۱٥۷٤ م و ۹۸۲ ه) تاریخنده درسمادتده واقع یکی سرایده یاپیلان حمامی كزركن قضاءً دوشوب وفات ایلمشدر