سلیم خان اول — ملوك عثمانیه+دن طقوزنجی پادشاهدر و سلطان بایزید خان ثانینك اوغلی و سلطان سلیمان خان اولك پدری اولوب (یاوز) لقبیله ملقبدر مدت سلطنتی اولان سكز بچق سنه ظرفنده برادرلرینك غائله+سنی اتمام و یاننده اولان دیكر بش نفر قرنداشلرینی دخی اعدام ایلدكدن صكره (۱٥۱٤ م و ۹۲۰ ه) تاریخنده عجم سفرینه كیدوب (چالدران) محاربۀ مشهوره+سنی قزاندی و (خوی) و (تبریز)+ه قدر ایلرولدیسه ده یكیچریلرك عودت ایچون ایتدكلری اصرار اوزرینه اثنای راهده (بایبورد) )(كیغی) (كماخ ) قلعه+لرینی فتح ایدرك درسعادته کلدی و مشهور (ادریس) بدلیسی حضرتلری واسطه+سیله كردستان بكلرینك اكثریسنی تحت حمایۀ دولت علیه+یه آلدی و (۱٥۱٦ م و ۹۲۲ ه) تاریخنده مصر اوزرینه یورییوب مشهور (مرج دابق) مظفریتنه نائل اولدقدن و (ملاطیه) (دارنده)(دیوریكی) (عینتاب) (انطاكیه) (سیس) (اطنه) (طرسوس) (طرابلس شام) (قدس) كبی یوزدن زیاده ممالكی استیلا ایلدكدن صكره (مصر)+ی دخی تسخیره موفق اولدی (مصر حكمداری قانصو و طومانبای ایله سرعسكری جانبرد غزالینك غیرت و شجاعتلری دخی انكار اولنه+مز) اولوقت خلفای عباسیه+دن اوله+رق مصرده بولنان ذاتی درسعادته كتوردوب ایاصوفیه+ده رسماً ترك خلافت ایتدیردیكنه و شرفای هاشمیه+دن دخی بیعت الندیغنه بناء (خادم الحرمین الشریفین) و (سلطان الروم والعرب) عنوان مفخرت نشاننه مظهر اولدی ضربۀ تأدیبنی یین یرلرك بریده جبل لبنان ایدی شام شریفك مصالحنی تنظیم صره+سنده یعنی (۹۲٤ ه) سنه+سنه شیخ اكبر حضرتلرینك مدفن شریفسلرینی بولوب اوزرینه برقبه و برجامع شریف انشا ایتمش و بالذات بر جمعه نمازی قیلدیرمشدر نهایت (۱٥۱۹ م و ۹۲٦ ه) تاریخنده مجارستان سفرینه كیدركن شیرپنچه+دن چورلیده متوجه
سفر آخرت اولدی. ولادتی (۸۷٥ ه) جلوسی (۱٥۱۲ م و ۹۱۸ ه) تاریخلریدر