سلیمان پاشا — سلطان اورخان حضمتلرینك اوغلی و صدر اعظمیدر. (۱۳٥٦ م و ۷٥۸ ه) تاریخنده پدرلری طرفدن روم ایلنی استیلایه مأمور اولدقده قلعۀ سلطانیه جوارنده ایدنجك ساحلنه اینوب و سفینه وقایق بوله+مدیغندن اوكوز دریسیله ایكی عدد صال باغلیوب سكسان نفر دلاور ایله قارشویقه+یه یعنی كلیبولی حذاسنده واقع چمنی قلعه+سنه كچدی و قلعه+یی سوپرندی ییغلمش بر محلندن كیرەرك سهولتله آلدقدن صكره اوراده بولدیغی قایقلرله قصور اوچ درت بیكدن عبارت اولان عسكرینی دخی برو طرفه کچیروب كلیبولی و ملحقاتنی فتح ایلدی و آز وقت ایچنده ایبصاله و تكفور طاغنۀ قدر ایلرولدی و نهایت (۱۳٥۹ م و ۷٦۱ ه) تاریخنده بولایر اوه+سنده اثنای شكارده آتدن دوشوب وفات ایلدیكی جهتله بولایر قصبه+سنده واقع جامع شریفی خطیره+سنه دفن اولندی. مدت صدارتی یكرمی ایكی یاخود یكرمی اوچ سنه+در