لغات تاریخیه و جغرافیه

Lugat-ı Tarihiyye ve Coğrafiyye

ابراهیم پاشا

İbrâhim Paşa

ابراهیم پاشا — سلطان احمد ثالث زماننده اون ایكی سنه صدارت ایتمش و نائل صهریت اولمش بر ذاتدر سلطان مشار الیه حضرتلری ایران سفرینه كتمك اوزره برقاچ دفعه حاضرلنوب ینه تأخیر ایلدیكندن هركس بو تأخیری ابراهیم پاشادن بیله+رك صدراعظم پادشاهمزی تنپرورلكه آلیشدیردی دیمكه باشلامشلر ایدی آره+دن چوق كچمكسزین ایرانلیلرك تبریز و همدان و كرمان ولایاتنی استردادی خبری درسعادته منعكس اولدیغی كبی یكیچریلر قول كتخداسی ارنود (موصلی) و ضابطاندن پاطورنه (خلیل)ك تشویقیله ایاقلنوب سرای همایونه هجوم و پاشای مومی الیهی طلبده اصرار ایلدیلر. و نصیحتله فلانله دفعلری ممكن اوله+مدیغندن پاشای مومی الیهی ایچروده احناق ایدرك آلای كوشكندن سوقاغه اتدیلر. و یكیچریلر پاشانك جسدینی پاره پاره ایدرك سوقاقلرده سوركلدكلرینه قناعت ایتمیوب ادبسزلكی ارتردقلرندن سلطان مشارالیه حضرتلری دخی استعفایه مجبور اولدی. وقعۀ مذكوره (١٧٣٠ م و ١١٤٣ ه) تاریخنده وقوعبولمش و پاشای مومی الیه شهزاده جامعی قارشوسنده و دركلر آره+سنده یاپدیردیغی جامع شریف و دارالحدیث خطیره+سنه دفن اولنمشدر. بعض مورخین پاشای مومی الیهك نفس و هواسنه مغلوبیت و سفاهتی بر درجه+یه قدر تصدیق ایدیورلر ایسه ده ایران سفرینی تأخیره موافقتنی و محاربات سائرە+یه نهایت ویرمسنی بطائث و قباحت عد ایتمیورلر و بلكه امتداد ایدن محاربات ایله قوای دولته عارض اولان ضعف و فتورك ازاله+سیچون بر تدبیر حسنه صایییورلر. هرنه حال ایسه بونك بویله سفاهتله شهرت بولمسنه (١١٣٢ ه) تاریخنده ذات شاهانه+یه چراغان بغچه سنده ویردیكی ضیافت و كاغدخانه+یی تنظیم ایچون ایتدیکی مصرف سبب اولمشدر. زیرا اولوقته قدر امثالی كورلمیان اشبو بغچه تزییناتنی خلق چوق كوردی و اندن صكره رجال دولت و كبرای ملت بغچه و دائره تزییناتنه قالقیشوب بعض سفها دخی ایشی افراط درجه+سنه واردردی و بر دانه لاله صوغاننك بشبیك غروشه النوب صاتلدیغی ایشیدلدی. رمضان شریفده چفته منارە+لرده ماهیه قورلمسی دخی پاشای مومی الیه زماننده احداث اولنمشدر. پاشای مومی الیهك اعدامندنصكره كاغدخانه درە+سی سواحلنده انك تشویقیله یاپلمش اولان صیفیه+لرك احراقیچون استانبول قاضیسی افندینك اعلام ویرمسی و صكره مرحمة هدمنه قرار ویرلمسی دخی وقوعات غریبه+دندر