سلیمان خان ثانی — ملوك عثمانیه+دن یكرمنجی پادشاهدر و سلطان ابراهیم خان حضرتلرنك اوغلیدر مدت سلطنتی اولان اوچ سنه ظرفنده یكیچریلرك اختلالی و آوستریالولرك بلغراد و سمندره و ودین و فتح
الاسلام قلعه+لرینی پرزرین و پرشتنه+یه قدر ضبطی كبی احوال مؤلمه ظهوره كلدیسه ده (۱٦۸۹ م و ۱۱۰۱ ه) تاریخنده كوپریلی زاده مصطفی پاشا صدارته كچموب ایكی سنه صكره قوۀ كلیۀ حربیه ایله آوستریالولری رجعته مجبور و نیش و سمندره و ودین و پرشتنه و شهر كوینی و مؤخراً دخی بلغرادی ضبط و استرداد ایلدی و حضرت عمر دورندن برو روملرده بولنان (قمامه) سدانتی روسیه+نك نقص عهده مبادرتی حسبیله روملردن النوب او صره+ ده دولت علیه+نك محب صممیسی اولان فرانسزلره ویرلدی و صاریجه سكبان طائفه+سنك ازاله+سنه تشبث قلندی. خان مشارالیه (۱۰٥۲ ه)+ده تولد و (۱٦۸۷ م و ۱۰۹۹ ه) تاریخنده جلوس ایله (۱۱۰۲ ه)+ده وفات ایلمشدر. متقی بر ذات ایدی