سلیمان خان اول — دولت عثمانیه+ده اوننجی پادشاهدر و سلطان سلیم اولك اوغلی و سلیم خان ثانینك پدریدر. مدت سلطنتی اولان قرق سکز سنه ظرفنده اون اوچ دفعه بالذات سفره كیدوب زماننده (بلغراد) (استانكوی) (وارادین) (بودین) (بغداد) (اولونیه) (دلونیه) (استرغون) (وان )(طمشوار )(اكری) (شهرزور) (تونس (ساقز ) (سكتوار) (زمون) (خرسوه) كبی اوچ یوزدن متجاوز ممالك و قلاع مهمه فتح و استرداد اولندی و (۱٥۲٦ م و ۹۳۳ ه) تاریخنده یوزاللی بیك كشیلك مجار اردوسنی مهاج اوه+سنده بوزوب مجارستانی زیر حمایه+سنه آلدی (بو محاربه+ده مجارستان و بوهمیا قرالی ایكنجی لویی قتل اولنمشدر) و (۱٥۲۹ م و ۹۳٦ ه) تاریخنده دخی ویانه+یی تحت محاصره+یه الوب ینه ترك ایلدی دیكر طرفدن همیشه بغی و عصیانی پیشه ایدن خطۀ (یمانیه ) اهالیسی حمایۀ دولت علیه+یه كیردی وجزایر امیری (خیرالدین ) بك — معرقتیله طوغریدن طوغری+یه ممالك عثمانیه+یه الحاق ایدلدی. بونلرله برابر بر طاقم قوانین و تأسیسات نافعه وجوده كتوریلوب ازجمله یكیچری موظف پیاده عسكری اول وقت قانونه باغلاندی و سلیمانیه جامع شریفی (۱٥٥۰ م و ۹٥۷ ه) تاریخنده بدأ ایله سكز سنه+ده یاپلدی. الحاصل سلطان مشارالیه . حضرتلرینك عصر فیوضاتنده كوریلان فتوحات هیج بر حكمدار زماننده وقوعبولمامش بر نصرت بالغه ایدی ولادتی (۹۰۰ ه) جلوس (۱٥۱۹ م و ۹۲٦ ه) وفاتی (۹۷٤ ه) تارخلریدر. مشار الیه حضرتلری . هرنه مكره مبننی ایسه مصطفی نام بیوك اوغلنی قرق بر یاشنده صقال براقدیغیچون اعدام ایتدیرمش و شهزاده جامع شریفنی بونك نامنه یاپد یرمش دیرلر