سلیمان علیه السلام — انبای عظام بنی اسرائیلدندر پدرلری (داود) علیه السلام (٤٥۹۳ خ) تاریخنده یعنی میلادك بیك بر سنه مقدمنده كوشۀ انزوایه چكیلوب حكومتی كندولرینه ترك ایلدیكندن قرق سنه کمال عدل و داد ایله شرفبخش سریر سلطنت اولمش و بو مدت ظرفنده (پالمیر) و)(پالوس) شهرلرینی بنا و مشهور (حمات) قبیله+سی اسكان و (حوران) شهرینی تعمیر و دائرۀ ممالكنی مصردن فرات نهرینه قدر توسیع بیوروب بحر احمرده اولان دوننماسیله دخی هند و سوماتره و جاوه سواحلندن بالدفعات غنایم كثیره آلمشدر مشارالیه مصر حكمدارینك كریمه+سنی و علی روایة — حمایه+سنه دخالت ایچون كلان یمن ملكه+سی (بلقیس)+ی تزوج بیوردی. — بیت مقدسك انشاسی (٤٦۰۳ خ) تاریخنده یعنی میلادك طقوز یوز طقسان بر سنه مقدمنده نهایت بولدقده حضرت سلیمان (تابوت عهد)+ی الای والا ایله صهیوندن كتوردوب دروننه وضع و تشكراً یكرمی ایكی بیك بقر و یوز یكرمی بیك غنم قربان ایلمشدر (امثال سلیمان) و (اغنیةالاغانی)
نامیله تشبیهات و حكمیاته دائر ایکی رسالۀ علیه+سی واردر. قبر شریفلری (داود) نام شهر قدیمه+ده واقعدر (صهیون) كلمه+سنه دخی نظر بیوریله