لغات تاریخیه و جغرافیه

Lugat-ı Tarihiyye ve Coğrafiyye

سلوكوس / (سلفقوس) نیقاتور

سلوكوس یاخود (سلفقوس) نیقاتور — سوریه+ده سلوسید حكمدارلرینك اك بیوكیدر اشبو حكمدار (٥۲٤۰ خ) تارخنده یعنی میلادك اوچیوز اللی درت سنه مقدمنده تولد ایدرك اسكندر یونانی ضابطلری سلكنه کچمشیدی (٥۲۷۱ خ) تاریخنده اسكندرك وفاتی اوزرینه مدیا وبابیلونیاده والی و سواری قوماندانی اولوب ایکی سنه صكره انتی+یوخوسك ترتیب ایتمش اولدیغی اتفافه داخل و مظفر اولدیغنه بناء بابیلونیایی ید استقلالنه الدیسه ده التی سنه صكره اسكندرك براقدیغی سلطانتی یالكز باشنه یوتمق ایستیان (انتی+غون) طرفندن تهدید اولنمغله مصرده بطلمیوسك نزدنه صیغینوب اوراده انتی+غونه قارشو اتفاق و خصمنی مغلوب و برباد ایتمسی اوزرینه تكرار بابیلونیایه داخل و مدیا و اثوریایی دخی اورایه ربط و الحاقه نائل اولوب بر مدت صكره هندوس نهرینه دكین ممتد اولان بتون آسیای علیایی و (٥۲۹۳ خ) تاریخنده یعنی میلادك اوچیوز سنه مقدمنده ایپسوس مظفریت قطعیه+سی اوزرینه سوریه و فریژی و ارمنستان و بین النهرینی ضمیمۀ فتوحات ایلدی و چوق سورمكسزین بطلمیوس و ماكیدونیا قرالی (لیزیماق) ایله بوزیشوب وقوعبولان محاربات اوزرینه ینه مظهر شرف غالبیت اولدیغندن فاتح الفاتحین عنواننی و بتون ماكیدونیا و تراسیا و آسیای صغرانك بالاستقلال قراللغنی آلدی
ایكنجی (سلوكوس) قالیینك— (٥۳٥۲ خ) تاریخنده یعنی میلادك ایكیوز قرق ایكی سنه عقدمنده اوچنجی بطلمیوس طرفندن اكثر ممالکی استیلا و تخریب اولندی و بو صره+ده سلوسیدلرك مضرتنه تشكل ایدن پارتیا ایمپراطورلغی علیهنه یوریدیسه ده بونده دخی بسبتون مغلوب و اسیر اومغله زنجیرلر ایچنده وفات ایلدی.
اوچنجی (سلوكوس) — ایكنجینك اوغلیدر (٥۳٦۹ خ) تاریخنده یعنی میلادك ایكیوز یكرمی بش سنه مقدمنده جلوس ایدوب اوچ سنه سلطنت سوردی غایت ضعیف الخلقه اولوب شایان دقت هیج برشیء ابرازینه موفق اوله+مامش و آسیای صغراده محربه+یه كیدركن كندو ضابطلرندن ایكی كشی یدیله قتل ایدلمشدر
دردنجی (سلوكوس قیلوپاتر) — مرقومك قتلندن صكره اون سنه صندالی نشین حكومت اولمشدر.
بشنجی (سلوكوس) — قلوپاترك اوغلیدر پدرندن صكره بر سنه سلطنت سوروب ایكنجی اوغلنی تخته اجلاس ایتمك ایستیان قاریسی طرفندن قتل اولنمشدر
التنجی (سلو+كوس آپیقان) — انتی یوخس غرییوسك بیوك اوغلیدر بو حكمدر انطاكیه مقر حكومتی اولمق اوزره سوریه+نك بر قطعه+سی أوزرینه اجرای حكومت ایدر ایكن(انتی+یوخوس سیزیك) نام عموجه+سی دخی دیكر قطعه+سی اوزرنده حكمدار ایدی سلوکوس مومی الیهی دفع ایله شامه دخی متصرف اولدیسه ده انتی+یوخوس سیزیكك اوغلی (انتی+یوخوس ازوب) ایله وقوعبولان محاربه+سنده مجبور فرار و (٥٥۰۱ خ) تاریخنده یعنی میلادك طقسان اوچ سنه مقدمنده قلعۀ سلطانیه بوغازی اوزرنده تارك حیات مستعار اولدی