سلمان فارسی — كبار صحابۀ كرامدندر هجرت نبویه+دن بر قاچ سنه صكره دیار فرسدن مدینۀ منوره+یه هجرت ایدرك شرف اسلامله مشرف اولمشیدی(غزوه) كلمه+سنده محرر اولدیغی أوزره (ه٥) تاریخندره و قوعبولان خندق محاربه+سنده علیه الصلاة والسلام افندمزك اصحاب كرام ایله مشاوره بیوردیغی صره+ده بو دخی حاضر بولنه+رق یا رسول الله بزم مملكتلرمزده اعدا طرفندن بویله بر هجوم وقوعبولدیغی زمان تحصن ایچون خندق حفر اولنمق عادتدر دیدیكنده حضرت پیغمبر افندمز ممنون اولوب خندق حفرینی فرمان بیوردیلر.
یوز اللی سنه قدر عمر سورمش و (٦٥٤ م و ۳٤ ه) تاریخنده وفات ایدرك بغدادك جانب شرقیسنده كائن مداین قصبه+سنه دفن اولنمشدر.
مشارالیه سفر و حضرده (علی) كرم الله وجهه) حضرتلریله همدم اولوب قطعا مفارقت ایتمز ایدی