لغات تاریخیه و جغرافیه

Lugat-ı Tarihiyye ve Coğrafiyye

سلفكه / سلوسیا

سلفكه یاخود (سلوسیا) — آسیای عثمانیده و اطنه ولایتنده كائن ایج ایل سنجاغنده بر قضا مركزیدر اشبو شهر (سلف) نهری أوزرنده و بو نهرك بوغازندن اون التی و طرسوسك جنوب غربیسندن طقسان سكز كیلو+مترو مسافه+ده واقع اولوب خانه+لری و چارشوسی غیر منتظمدر,
تیاترو معبد چارطاق مدافن قدیمه قلعه دیوارلری صهرنیجلر كبی قدیمدن قالمه برطاقم اثر كوریلور. اثار مذكورەیه نظراً بوراسی وقتیله اپیجه معمور ایمش+سه ده جهت جنوبیسنده بر لیمان تشكیل ایدن برون مرور زمانله طولوب صیغلشمش و شمدی بتون بتون بطاقلق حالنه كیرمش اولدیغندن اعتباردن دوشمشدر. بوندن بشقه طوروس طاغی اتكنده واقع (سلوسیا اوتوروم) وپیه+روس طاغی قربنده (سلوسیا پییر) و دجله نهرینك صاغ جهتی اوزرنده (سلوسیا) شهرلری دخی وقتیله معمور شهرلر ایدی شمدی جمله+سی خرابدر