سلطان ولد — مولانا جلال الدین رومی حضرتلرینك مخدومیدر حسام الدین حضرتلرینه وفاتندن صكره خلف و (۱۳۱۲ م و ۷۱۲ ه) تاریخنده سكسان طقوز یاشنده قونیه+ده لحدنشین شرف اولمشدر اسمی احمد بهاءالدیندر حضرت مولانا حقنده (انت اشبه الناس بی خلقا و خلفا) یعنی ظاهر و باطنده سن بكا ناسك اشبهی+سن بیوررلر ایدی پدر عالیقدرلری جانبندن شمس الدین تبریزی حضرتلرینی كتورمكه مأمور اولدقده مشارالیهی شامده صالحیه+ده بولوب اورادن تا قونیه+یه قدر ركابنده غاشیه بردوش یوریمشدر. بناء اعلیه حضرت شمس نزد مولاناده (جناب حقك موهبۀ علیه+سندن اوله+رق بنم ایکی شیئم واردر بری سر و بری سرسرمی اخلاصله راه مولاناده فدا ایلدم و سرمی یعنی حالمی دخی سلطان ولده باغشلادم) بیورمشدر