سلچوقیلر — ترك سلاله+سندندر تركستان صحراسندن نشأت ایدن سلچوق نام ذاتك حفیدی (طغرل) بك بو سلاله+نك بیوكی اولوب (۱۰۳۷ م و ٤۲۹ ه) تاریخنده قبیله+سی معاونتیله خراسان و نیشابوری و غزنویلرك ملكنی استیلا ایدرك سلطنت سلچوقیۀ اریانیه+یی تشكیل و (۱۰٥۱ م)+ده اصفهان حكومتنه نهایت ویروب درت سنه عقیبنده بغداد و حوالیسنی دخی ضبط و(ری) شهرینی مقر سلطنت اتخاذ ایلدی
و (۱۰٦۳ م و ٤٥٥ ه) تاریخنده وفاتی اوزرینه یرینه كچن یکنی (الپ ارسلان) کورجستان و ارمنستانی و اسیای صغرانك بر قسمنی زیر تسخیره کچوردی. الپ ارسلانك اوغلی ملكشاء ایسه (۱۰۷۲دن ۱۰۹۲ م) تاریخنه دكین زمان اداره+سنده بالجمله سوریه+یی و اسیای غربینك قطعات مختلفه+سنی فتح (۱۰۷٤م)+ده دخی عموجه زاده+سی سلیمان شاه همان اسیای صغری و کلکیا و ارمنستانی شامل اولمق اوزره قونیه+ده ملوك سلچوفیۀ روم نامیله بشقه+جه بر حكومت تأسیس ایلدی. ملك شاهك وفاتی اوزرینه
حلب شام انطاكیه موصل و كرمان ممالکنی بر طاقم اتابكلره منقسم اولدیسه ده بونلر چوق یشایه+میوب اكثریسنك ملكلری خوارزمیلر یدینه کچمش و ایران سلچوفیلری ایسه (١١٩٧ م و ٥٩٣ ه)ده ایكنجی طغرل ایله نهایت بولمشدر