لغات تاریخیه و جغرافیه

Lugat-ı Tarihiyye ve Coğrafiyye

سلانیك

Selanik

سلانیك — دولت علیه+نك اق دكزده واقع (ترماییك) کورفزی نهایتنده بر ولایتی مركزیدر دروننده اللی طقوز جامع و مساجد یکرمی بر تكیه اوتوز درت مكتب بر اصلا+حخانه طقوز مدرسه سکز حمام اون یدی كلیسا قرق ایكی حورا و مسافرلریله برابر اوتوز بیكدن متجاوز نفوسی واردر و اراضیسی غایت محصولدار اولدیغی كبی تجارتیده فوق العاده+در
بوراسی ماكدونیا قرالی بیوك اسكندرك قزی و مشهور (قساندر)+ك زوجه+سی( تسالونیس) نامنه تأسیس اولندیغی ایچون اكا نسبتله تسالونیك دنیلوب شمدی غلط اوله+رق سلانیك دینلمكدەدر داها اولكی اسمی (ترما) ایدی كورفزك نامی دخی ترمادن مأخوذدر سلانیك رومابیر زماننده ماکیدونیا ولایتك مقر اداره+سی اولدیغی حالده م(۳۹۰ م) تارنخنده اهالیسی ایمپراطور (طودوس)+ه قارشو عصیان ایلدكلرندن عسكر كوندریلوب تربیه+لری ویرلدی و یدی بیك كشیسی اعدام اولندی (۱۱۷۹ م و ٥۷٥ ه) تاریخنده فومنمه+ن طرفندن دامادینه جهاز اوله+رق احسان اولنوب درت سنه صكره مومی الیهك قرناشنك تشكیل ایلدیکی قرالیته مركز اتخاذ و بر مدت صكره یعنی(۱۲۳۲ م و ٦۳۰ ه) تاریخنده (اذنیق)+ه الحاق ایدلدی و(۱۳۹۲ م و ۷۹۳ ه) تاریخنده یلدیرم (بازید خان) حضرتلرینك همتیله دولت عثمانیه ادارمسنه کچدی. سلانیكده پك چوق اثار عتیقه واردر ازان جمله (خورتاج) سلطان جامعی اوچبیك سنه مقدم اتشكده اولمق أوزره یاپلمش و صكره كلیسا اولوب (۱٥۸۲ م و ۹۹۰ ه) تارخنده جامعه تحویل اولنمش و حلا دروننده نماز قلنمقده بولنمشدر و كلمر یه قپوسی ایچنده ماكیدونیا پادشاهلرندن برینك مظفریتله كیریشنی كوسترر ایكی طرفلی محكوك اولان رسملر شایان تماشادر سلانیك اهالیسی حضرت عیسادن صكره پك ایركن خرستیانلغی قبول ایتدیلرایدی حتی پاولوسك اهالیء مر+قومه+یه خطاباً ایكی رساله سی واردر