اسقوچیا — بریتانیا اطه+سنك جهت شمالیسنده و انكلتره دولتی
اداره+سنده بر بیوك قطعه+در شمالدن جنوبه طوغری درتیوزو شرقدن
غربه طوغری ایكیوز قرق بش كیلومترو طول و وسعتنده اولان اشبو قطعه+نك
نفوس موجوده+سی اوچ ملیون درتیوز بیك راده+سنده+در شمال جهتی
طاغلق و اراضیسی محصولسز و سیس و صغوقدر. اسقوچیا اهالیء
قدیمه+سی (١٢٠ م) تاریخنده جنوبدن شماله طرد اولنوب تسلطلرندن محافظه
ایچون آره یره بر دیوار چكلمش ایدی صكره یعنی (٨٣٣ م و ٢١٨ ه)
تاریخنده ایرلاندا طرفندن كلان (غوت) طائفۀ و حشیه+سی نیجه محارباتله
اسقوچیایه یرلشوب ابتدا رومالولری و مؤخراً اهالیء قدیمۀ مرقومه+یی حرباً
اطاعته مجبور ایتدی و قراللری اولان ایكنجی قانت باشنه ایكی تاج
كیوب اسقوچیانك برنجی حكمداری اولدی و اخلافندن اوچنجی علكسالدری
١٢٨٦ م ٦٧٠ ه) تاریخنده بلا ولد وفات ایلدیكندن قرال انتخابندن
طولایی ظهور ایدن شقاق و اختلاف نیجه یوز بیك آدمك تلفنه و انكلیزلرك
ال اوزادوب تحت حمایه+یه الملرینه سبب اولدی و (١٦٠٣ م و ١٠١٢ ه)
تاریخنده انكلتره قرالیچه+سی (الیزابت) بلا ولد وفات ایلدیكنه بناء یرینه
)ژاق) نامنده بر اسقوچیالی انتخاب اولندی و قرالیت بو صورتله
)ستوارد) خانداننه كچدی ایسه ده مرقوم خروس دوكوشدیرمكدن و سفره+ده
اوزون اوزادی اوتورمقدن بشقه بر ایشه یرامدی و (١٨٠٨ م و ١١١٩ ه)
تاریخده جالس صندالیء حكمرانی اولان (آن) نام قرالیچه دخی انكلتره
و اسقوچیا قرالیتلرینی برلشدیروب و هیئت مجتمعه+سنه بیوك بریتانیا نامنی ویروب
ایكی طرفی سفك دماء و خساردن قورتاردی.
اسقوچیا الیوم اوتوز اوچ قونتلغه منقسم اولوب مركز اداره+سی ایكیوز
بیك نفوسی جامع اولان (ادینبورغ) شهریدر