سقروپ — مصر یاخود فنیكه كشی زاده+لرندن بریدر (۳۹٥۱ ياخود ٤۰۱٤ خ) تاریخنده یعنی میلادك بیك التی یوز قرق اوچ سنه مقدمنده برچوق منسوباتیله یونانستانه طاشینوب (آتیکی) دنیلن محلده (اقروپولی) شهریله برابر اون ایکی شهر بنا ایتمش و حال وحشتده بولنان اهالیء قدیمه+نك اكثريسنى كندو منسوباتیله برابر بو شهرلره یرلشدیروب تزوج وطلاق و استعمال اسلحه ودفن اموات كبی شعائر مدنیه+یی اوكرتدكدن بشقه حقوق اهالی+یی وقایه ایچون (آره اویاژ) نامنده برده مجلس آچشدر (له كس) نام دیکر بر مصرلی دخی بوندن صكره یونانستانه كیدوب (اسپارت) شهرینی بنا ایلدی و (سقرو پك اخلافندن (تژه) نامنده بر ذات مؤخراً ذكر اولنان اون ایكی شهری برلشدیره+رك جمله+سنه بردن (آتنه) نامنی ویردی