سقراط — حکمای یونایه+نك اك مشهورلرندندر (٥۱۲٤ خ) تاریخنده یعنی میلادك درتیوز یتمش سنه مقدمنده اتنه+ده (سوفرونیسك ) نامنده بر اویمه+جی و (فه ناره ن) نامنده برابه قادیندن نشأت ایلدی اولا اویمه+جیلق صنعتیله مشغول اولدیغی حالده بدرقۀ رشد وكیاستی دلالتیله بو صنعتدن پك ایركن فارغ اولوب طریق تحصیله سالك و آز زمان ایچنده هر بر علوم و فنونده ملكۀ كامله+یه مالك اولدی و بی غرضلق و سخاوت و مسااوتی حقیقةً التزامی سایه+سنده فوق الغایه شهوت بولدی. بو ذات جسارتلی اعتراضاتندن ناشی بر چوق خصملر پیدا ایلمشیدی كه بونلرك ایچنده اعتقادات قدیمه طرفدارلری و بر طاقم سفسطه پردازلر دخی وارایدی اشته بو جمله دن اولمق اوزره (٥۱۷۰ خ) تارخنده بلوطلر قومدیاسی صفۀ لعبیه+سی اوزرنده حاضر بولندیغی صره+ده شاعر مشهور انیتوس و ملیتوس و خطیب سیاس لیقون بونك علیهنه اتفاق ایدرك كنجلری افساد ومعبودین قدیمه+مزی ابطاله قالقشدی دیه+ رك اتهام ایلدكلرندن تسمیم اولنمق اوزره حبسه الفا ایدلدی و حبسده بولندیغی اثناده دوستلری طرفندن فرارینه دائر بر خیلی وسائط و چاره+لر عرض و تكلیف اولندیسه ده قانونه عدم اطاعتی استمدیكندن تكلیفلرینی رد ایدوب (٥۱۷٤ خ) تاریخنده یعنی میلادك درتیوزسنه مقدمنده شایان تعجب بر صورتدە كمال تسلیمیت ایله دوچار جزا و تارك عالم فنا اولدی یاخود خصملری طرفندن تسمیم اولندی. سقراط تاریخ فلسفیده بردور جدید كشاد ایلمشدر زماننه قدر ملایعنی نظریاته مبتلا اولان فلاسفه+یی مسلكلرندن چویردی و علم اخلاقی ایجاد ایله (عقل اعتدال قوت عدالت) كبی فضائل متنوعه+یی تفریق و سعادت یكانه+یه وصول ایچون عمل خیر توصیه و تشویق ایتدیكی كبی بر اللهك وعنایت ربانیه+نك وارلغنی و روحك عدم فناسنی دلائل جدیده ایله اثبات ایلدی. بعضا قوۀ مدركه+سنده محتفی حقایقی كشف طریقیله دخی تلامیذینه درس ویرر و بعضاً خصملرینی شاشیرتمق ایچون سفسطه طریقنی التزام ايلر ایدی و خاصةً تحصیل طلاب ایچون مكتب طوتمیوب اجورات دخی قبول ایتمز ایدی قسه نوفون افلاطون و طریق كلبیونك موجدی انیتستن وآریسیت و فدون
واوقلیدیس شاكرلریدر. قسه+نوفون سقراطه دائر غایت قیمتلی براثر میدانه كتورمش و قریتونك (سقراطك شانلی ردی حقنده موضوع بحث اولان مكالمه+سی و فدونك (سقراطك روحك عدم فناسنه دائر مكالمه+سی) عنونلریله تألیف ایتدكلری كتابلر بو فیلسوفی الی یومنا هذا طانتدیرمغه سبب اولمشدر