لغات تاریخیه و جغرافیه

Lugat-ı Tarihiyye ve Coğrafiyye

سعید بن جبیر

سعید بن جبیر — اكابر تابعین و علماء عاملیندن اسود الصوره و انور السیره بر ذات مستجاب الدعوه ایدی (عبدالملك) بن مروان علیهنه خروج ایدن (عبدالرحمن) بن محمد بن اشعثه طرفدار ظن اولندیغندن (۷۱۳ م و ۹٥ ه) تاریخنده و قرق طقوز یاشنده خجاج ظالم حضورنده شهید ایدلدی قبری (واسط) شهری خارجنده مقامات متبركه+دندر. مشار الیه حجاجك حضورینه دخولنده (حضرت مریمك "اعوذ بالرحمن منك ان كنت تقیا" دیو استعاذه ایلدیكی كبی بنده سندن استعاذه ایدرم) دیدی حجاج اسمنی صوردی سعید بن جبیر. دیدكده (حجاج) شقی بن كثیر اولملیدر دیكله (ابن جبیر) اسممه والده+م دها كوزل واقفدر دیدی (حجاج) سنی دنیاده آتشه آته+جغم دینجه (ابن جبیر) اكر بو ماده سنك النده اولدیغنی بیلسه+م سندن غیری برآله اتخاذ ایتمز ایدم. جوابنی ویروب حجاج تكرار اولدیر+جكم لفظیله تهدیده باشلادقده او وقت والده+م اسممده اصابت ایتمش اولور یعنی شهید اولورسه+م سعید اولورم دیدی حجاج(جناب فخرالمرسلین و خلفاء راشدین حقلرنده بعض سؤال و جوابدن صكره) حضرت علی و عثمان حقلرنده نه دیرسك یعنی بونلر جنتده می یوقسه نارده میدرلر دیمكله (ابن جبیر) اكر جنت و جهنمه داخل اولوبده ایچنده بولنانلری كوریدم سؤالكه جواب ویرردم دیوب حجاج (عبد الملك بن مروان) حقنده فكرینی استیضاح ایلدكده او آدم حقنده بكا نصل سؤال ایراد ایدرسك كه جملۀ سیئاتندن بری سنسك دیدی (بو آره ده دخی برقاچ سؤال و جواب و+قوعندن صكره) حجاج بر امر ویرمسیله جلاد قتلنه توجه ایلدی ابن جیر كولدی حجاج سببنی صوردقده جناب حقه قارشو بویله بر فضاحة جرأتكدن حاصل اولان تعجبدر دیه+رك یوزینی قبله+یه. دوندروب (انی و+جهت وجهی للذی فطرالسموات والارض حنیفاوما انا من المشرکین) آیت كریمه+سنی اوقودی بو اثناده امر حجاج ایله یوزینی قبله+دن تحویل ایلملریله (فاینما تولوا فثم وجه الله) دیدی حجاج یره اورك دیو امر ایلدی (منها خلقنا+كم و فیها نعیدكم ومنها نخرجكم تارةً اخری) آیت كریمەسنی او قودی بعده حجاح بو یننی اورك دیكله (اللهم لاتحل له دمی ولاتمهله بعدی) دعای رقت افزاسنی اوقویه+رق واصل رتبۀ شهادت اولدی. تیر دعاسی مقرون هدف اجابت اولوب اون بش كون صکره حجاج دخی كرفتاردست جلاد اجل اولمشدر. شهید مشار الیه علم تفسیر و قرائت و مسائل طلاق وحج وتمبیز حلال و حرام+ده فرید عصری ایدی امام احمد بن حنبل حضرتلری شهادتنی ایشتدكده حقنده (یر یوزنده بولنان عامۀ ناسك علمنه محتاج اولدیغی بر ذات ایدی) دیو اظهار تأسف ایلمش و حسن بصری حضرتلری دخی (والله اكر سكان ارضك كافه+سی ابن جبیرك قتلنده مشترك اولسه+لر ایدی جناب حق بو جرمك مقابله+سنده جمله+سنی القای نار جحیم ایلردی ) بیورمشدر. ابن جبیر شطرچ اویوننده دخی غایت ماهر ظرفادن ایدی