سعید بن المسیب بن حزن — فقهای سبعه+نك بریدر حضرت (عمر) رضی الله عنهك ایكنجی سال خلافتنده تولد و (۷۰۹ م و ۹۱ ه) تاریخیله مدینۀ منوره+ده لباس حیاتدن تجرد ایلدی مومی الیه كبار تابعندن اولوب علم فقه و حدیثده كمالیله صاحب وقوف و بین العباد فرط زهد و عبادتله معروف ایدی حدیث شریفی سعد بن ابی و قاص زهری و ابی هریره رضی الله عنهما حضراتندن استماع ایتمش و روایت صحیحه+یه نظرأ قرق دفعه نائل زیارت بیت شریف اوله+رق اللی سنه دخی یتسو ابدستیله صباح نمازینی ادا ایلمشدر فن تعبیر رویاده دخی مهارتی منقول اولوب حتی (عبدالملك) بن مروان بركون منامنده محرابه درت كره تبول ایتدیكنی كورمكله متأثراً اویانوب واقعه+یی تعیر ایچون اشبو سعیدبن مسیبه مراجعت ایلدكده مشارالیه (درت اولادیكزك پی در پی اریكه نشین مسند خلافت اوله+جقلرینه اشارتدر دیدی وفی الواقع مشار الیه عبدالملك اولادندن ولید و سلیمان و یزید و هشام یكدیكرینی متعاقب خلیفه اولدی