سعدی — مشاهیر فضلادن كلستان و بوستان مؤلفی شیخ مصلح الدین شیرازینك شهرتیدر. اتابك سعد بن زنکی عصرنده ظهور ایدوب علوم ظاهره+یی بغدادده شیخ الشیوخ ابوالفرج بن جوزادن و معارف باطنه+یی دخی شیخ ربانی عبدالقادر كیلانی حضرتلرندن اخذ ایتمش کمال صیت و شهرتله یوز ایكی سنه معمر اولدقدن صكره (۱۲۹۱ م و ٦۹۱ ه) تاریخنده شرازده وفات ایلمشدر.
مشارالیه غزا و تحصیل طریقیله روم و هند و سائر طرفلرده تمام اوتوز سنه سیر و سیاحت و اوتوز سنه دخی علی الدوام سجاده+نشبن عبادت اوله+رق مدت عمرنده پیاده اون درت دفعه حج شریفه كیدوب زیارت ایلمش و طبیعی لطائف و ظرائفه نهیات درجه مائل اولمق حسبیله وقتنی دائما ارباب فضل وظرافت ایله کچیرمش ایدی
بركون تبریزده حمامه كیردكده فضلادن خواجه همام تبریزی بالتصادف حمامده بولنور وشیخ سعدی كوزینه ایلشمكله نره دن اولدیغنی صوروب(شیرازلیم) جوابنی آلنجه تعجب ایدرم كه شهرمزده شیرازلی كلبدن زیادەدر دیر سعدی دخی تبسمله بزم بلده+مز بونك عكسنه+در یعنی تبریزلی كلبدن دوندر دیمكله همام مبهوت اولور براز صكره جامه+شویلرینی كینمك اوزره ایكیسی برلكده طیشارو چیقدقلرنده همام شیخ سعدینك یتاغی جوارنده اوتوران بر محبوب دلشین ایله شیخ سعدینك اراسنه اوتورارق اثنای مصاحبتده شیخه خواجه همامك اشعارینی شیرازده اوقورلرمی دیو سؤال ایدر شیخ سعدی اوت پك بیوك شهرتی واردر جوابنی وروب همام اویله ایسه بر بیتنی او+قویكز دیمكله شیخ سعدی شو بیتی اوقور
درمیان من و معشوق حجابست همام
وقت آنست كه این پرده بیكسوفكنم
بونك اوزرینه همام شیخ سعدی اولدیغنی نفرس ایدرك فوق الغایه اكرام ایلر فاضل مشارالیهك كلستان و بو ستاندن بشقه دها نیجه آثار دلستانی اولوب هله (كلیات سعدی) نام اثری وصف و ستایشدن آزاده برمجلۀ نفیسه+در