اسقلاوونیا — اوستریا دولتنك مجارستانده بر بیوك ولایتیدر
و مركزی (اززك) شهر مستحكمیدر بو ولایت غرباً ًخرواتستان و جنوباً
ممالك عثمانیه ایله محدود و اهالیسی التی یوز بیك رادە+سنده و التون و كموش
معدنلری و اورمانلری زنكینجه و هواسی معتدلجه+در. اسقلاوونلر اسلاو
جنسندن و سرماتی قبیله سندن اولوب میلاددن تقریباً اون بش عصر مقدم
اسیاده وولغا نهرینك جانب غربیسنده (اسلاو) و )واندال)لر ایله برابر
ایكن روما دولتنك انقراضندن صكره جنوبه طوغری كله+رك جرمان
قبیله+لرینه قارشدیلر و برچوغی دخی (٧٩٩ م و ١٨٣ ه) تاریخنده شارلمانك
اوارلری تضییق و پریشان ایتدیكی صرە+ده استقلال بولوب مجارلرك هنكام
اقتدارنده استقلاللرینی دها متین بر صورته قویدیلر. وقتیله روسیه دولتنك
اساسنی وضع ایدن بونلردر.
دولت علیه اسقلاوونیا+یی برقاچ دفعه ضبط ایدوب ) (١٦٩٩ م و ١١١١ ه)
تاریخنده اوستریا دولتیله عقد ایتدیكی قارلوفجه معاهده+سی اقتضاسنجه ترك
ایلدی. اسقلاوونلر برچوق زمان مجارلرله برابر استقلاللرینی محافظه
ایده بیلدكلری حالده تاریخ مذكوردن صكره اوستریا تابعیتنی قبوله مجبور
اولدیلر