سعد بن ابی وقاص الزهری رضی الله عنه — اصحاب كزیندندر اون یدی یاشنده اظهار اسلام ایدرك عشرۀ مبشره عدادینه داخل اولمش و تیراندازلقده اولان مهارت فوق العاده+سنه بناءً فخركائنات علیه السلام و التحیات افندمز (فارس الاسلام) لقبیله تلقیب و(احد) غزاسنده دخی (ارم یاسعد فداك ابی وامی) تعبیر جلیلی ایله تلطیف بیورمشلر ایدی وفاتلری (٦۷٤ م و ٥٥ ه ) تاریخنده وقبرلری مدینۀ منوره وادیلرندن (عقیق) نام محلده+در . اهل اسلامك زاب نهری بوزغونلغی انتقامنی آلمق اوزره (٦۳۸ م و ۱۷ ه)
تاریخنده التی بیك كشی ایله ایرانك پای تختی اولان مداین شهرینه قدر كیدوب خیلی ممالك و بلدانی ضبط و ویران و ایرتسی سنه دها بیوك بر قوت ایله عزیمت ایدرك مشهور (قادسیه ) محاربه+سنی قزانوب شر مذكورك جانب غربیسنی داخل خطۀ اسلامیان ایلدی
سعد بن ابی وقاص حضرتلری جناب عمرالفاروق زماننده عراق والیسی ایكن كوفه+دن مركز خلافت اسلامیه+یه بر ورقه كلوب مندرجاتی والیء مشارالیه حقنده بر طاقم شكایاتی متضمن بولنمغله حضرت عمر نحقیق ماده ایچون بر ذات كوندردی مومی الیه كوفه+ یه واروب علی الاصول جامع شریف دروننده اهالی+یه خطاباً والیكزك احوالنی استفساره مأمورم دیدكده هركس حقنده بیان خشنودی و تشكره باشلایوب یالكز بر شخص ایلرو كله+رك والیمز بالذات محاربه+لره كتمز و مال غنایمی تماماً تقسیم ایتمز ونمازی عجله قیلدیرر دیدكده سعد حضرتلری شخص مرقومه مقابلةً بنم محاراته كتمیشم ارقه+دن امداد و ارزاق و لوازم سائره تدارك و ارسالیچوندر و مال غنایمدن برمقدارینی توقیفم بوراده ساكن اولان بر طاقم معلولین و محتاجین اصحاب و صلحایه اعانه ایچوندر نمازی دخی مقتدای مسلمین رسول الامین حضرتلرینه اقتداءً قیلدیغم كبی ایكی ركعتنی اوزون و ایكیسنی قیصه اوله+رق قیلدیرمقدە+یم دیه+رك تبریۀ ذمت ایتدكدنصكره شخص مرقومه باقوب (یا ربی بو آدم بكا افترا ایتدی سنده بونك عمرینی اوزون و شهوتنی افزون و معیشتنی دون ایله) دیو دعا ایتمكله تیر تمناسی مقرون هدف اجابت اوله+رق شخص مرقوم یوز اللی سنۀ قدر معمر و شهوتی حددن فزونتر اولدی و بیچاره كمال فقری جهتیله تأهل و مبتلا اولدیغی غلبۀ شهوته تحمل ایددمیوب او اوزون عمرینی سوقاقلری طولاشمق و راست كلدیی قادینلره طاشوب كونده برقاچ كره طیاق ییمكله كچوردی
سعد حضرتلری اوغلنه وصیتنده (یابنی اذا طلبت الغنی فاطلبه فی القناعة فانه مال لاینفد وایاك والطمع فانه ففر حاضر و علیك بالیأس فانك لم تیأسر من شیئی الا اغناك الله تعالی عنه) بیورمشدر