سزایی — كبار مشایخ متأخریندن اولوب سقط رأسی (ادرنه) اسمی (حسن) تاریخ وفاتی(۱٦٤۱ م و ۱۰٥۱ ه) سنه+سیدر انتسابی
بر قاچ واسطه اله ابراهیم كلشنی حضرتلرینه منتهی اولور. شیخ مشارالیهك پك چوق اشعار حقیقت آمیزی واردر و شو برقاچ بیت دخی او جملۀ جلیله+دندر
آدم معنایی مرأت ایلینلر ظاهرا
سیر ایدر اللهی خلقده خلقیده اللهده
سعی ایدوب قوللقده محواول صدقله كیم لاجرم
عبد محضی شاه ایدرلر بو اولو دركاهده
بادۀ انكوره ال صونمم بو بزم فانیده
بولمشم جام محبت نشئه سن بن آهده
صانمه منزلده قرار ایدن اولور اهل كمال
ای سزایی كامل اولدر كوله دائم راهده