سزار — روما ممالكی اوچ حكومت مشتركه+یه منقسم اولدیغی اثناده یعنی (٥٥٤٦ خ) تارخنده یعنی میلادك قرق سكز سنه مقدمنده بو دخی
حكومات مذكوره+دن (غول) حكمدارلغنی احراز ایلمشیدی بر مدت المانیا و بلچیقا و بریتانیا+ده بقای حكومتنی تأمین ایدر خیلی مظفریتلره نائل اولدقدن صكره اطوار متحكمانه ایله كندوسنی دلكیر ایدن و شریك سلطنتی بولنان روما حمكمداری (پومبه ) علیهنه بر اردو ترتیب ایدوب رومایه كوندردی پومبه مقاومته اقتدارسزلغی حسبیله دائرۀ حكومتی داخلنده بعض محللره و مؤخراً سلانیكه قدر قاچوب اورادن دخی مصر یولنی طوته+رق اسكندریه+یه واصل اولدیسه ده مصر حكمداری بر بلایه اوغرامامق و یاخود سزاره خلوص چاقمق ایچون بیچاره+نك ایاغی توزیله باشنی كسوب سرمقطوعنی تعقیب ایدن مشارالیه سزاره ا كرام ایلدی ایسه ده سزار قرابتی مناسبتیله بو اكرامدن پكده محظوظ اولمدی هرنه حال ایسه بو وقعه كندوسنی اشتراك غوائلندن قورتاروب ارتق روما سریر حكمرانیسی ذاتنه منحصر قالدیغندن كمال عظمتله رومایه كلدكده اهالی طرفندن )(ایمپراطور) و (دیقتاتور) عنوانلریله قارشولنوب انجق چوق كچمكسزین علیهنده تشكل ایدن بر قومیته معرفتیله مجلسده یكرمی اوچ یرندن اوریله+رق اعدام ایدلمشدر. عربلر بوكا قیصر دیدیلر