لغات تاریخیه و جغرافیه

Lugat-ı Tarihiyye ve Coğrafiyye

سری سقطی بن مفلس السقطی

سری سقطی بن مفلس السقطی — بغداد مشایخ صوفیه+سنك استاد مابه الرشادی اولوب (۸٥۹ م و ۲٤٥ ه) تارخنده وفات ایلمشدر (دنیاده سدرمق مقداری نان و دفع عطش مقداری صو و ستر عورته كافی جامه وقابل سكناخانه ایله آخرتده عمل صالحدن فضله+سی فضولدر) عباره+سی جملۀ كلمات حقیقت غایاتدندر وسیلۀ معیشت اولمق اوزره بغدادده بر دكانده اخذ و اعطا ایدر و بوش قالدقجه چكدیكی پرده ارقه+سنده علی الدوام عبادت ایلر ایدی تلامیفندن (جنید) بغدادی حضرتلری مشارالیه حقنده (كیجه+لی كوندزلی یتمش سنه عبادات و طاعاتله مشغول اولوب کمال زهد و ورعندن هیج بر آن اوزانمق دكل یان اوستی بیله یاتمدی) بیورمشدر