لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
سری خانم
سری خانم — شاعرۀ مشهوره در (۱۸۱٤ م و ۱۲۳۰ ه) تاریخنده نفس دیاربكرده تولد ایلمش و تحصیل علم وادب ایله فن نظمده ید طولی صاحبه+سی اولمشدر آثار شعریه+سندن بعضیلری خرابتده مندرج اولوب آنلردن بشقه بر خیلی تخمیسات و تسدیساتی و برچوق كزیده غزلیاتی اولدیغی دخی مرویدر زیرده محرر ابیات بر غزل عاشقانه+سندن انتحاب اولندی
مرغ دل پروازه كلدی لانه+لر اغلار بكا
چیقدی زنارم بوكز خمخانه+لر اغلار بكا
آشنالر سنك طعن انداز اولورلر هر طرف
واقف اولسه حالمه بیكانه+لر اغلاربكا
ساقیء بزمك الن اوپسه+م ایاغكچون كوزل
دلبرم دلتنك اولور پیمانه+لر اغلار بكا
مومی الیهانك طریقت علیه+یه دخی شرف نسبتی و بالخاصه بغداده عزیمتله او نواحیده واقع بالجمه مراقد متبرك+یی زیارتی وار ایمش دیاربكره عودتندن بر قاچ آی صكره درسعادته كله+رك متوفی كامل پاشانك خانكسی اولمشیدی