سرنغاپاتان ویا (سری رنغا پاتانا) — انكلیزلرك هندستانده واقع (مدراس) ایالتنده بر مستحصن شهردر اشبو شهر مدراسك غرب و جنوب غربیسنده و درتیوز اوتوز كیلو+مترو بعدنده واقع و اوتوزبیك نفوسی والیوم خرابه+زار اولان حیدر علینك كوزل بر سرایی ایله سری رنغا ویا (ویشنو) معبدینی و ایچلرندن بعضیلری دقته شایان متعدده و جبه+خانه و طوپ دوكمه+خانه+لرینی محتویدر مشار الیه حیدر علینك مرقد مشهوری الآن شهرك بر طرفنده كورینور
سرنغاپاتان مایسور حكمدارلرندن مرقوم حیدرعلینك كرسیء ادارەسی ایدی و اولوقت و اوغلی (تیپو صائب) زمانلرنده یوز اللی بیك نفوسی جامع ایدی
(۱۷۹۲ م و ۱۲۰۷ ه)
تاریخنده تیپو صائب بوراده انكلیزلره مغلوب و ممالكنك نصفنی تركه و مصارف سفریه+یی تضمینه مجبور اولدی و یدی سنه صکره انكلیزلر ینه بر بهانه ایله تسلط ایلدیكندن بیچاره دشمننه شجیعانه مدافعه+لر اثناسنده اکمال انفاس حیات ایلدی