لغات تاریخیه و جغرافیه

Lugat-ı Tarihiyye ve Coğrafiyye

سركه

سركه — یاش و قوری اوزوم و شكرلنان سائر هر بر میوه+نك جبرەسی تعفین ایدیلوب اوزرینه عادی صو دوكلمكله استحصال اولنور و اشبو صو جبره+دن كچه+رك التنده تراكم ایتدکجه آلنوب تكرار اوزرینه دوكلدیكی یعنی بر قاچ كره دور ایدلدیكی حالده سركه قوتلی وكسكین اولور سركه بولنه+مدیغی یرده خالص سركه روحندن جزئی مقداری عادی صو دروننه قونمغله دخی سركه یاپیله+بیلور. قرمزی سركه+یی قرمزی شراب دروننه طوز قویه+رق و
رنكسز سركه+یی شرابی قپالی قاپلر دروننده تسخین ایدرك اعمال ایدرلر كل) و (مرور) و(چلیك) و (صارمساق) و (طرحون) سركه+لری دخی بونلرك سركه ایچنده سكزر اونر كون تركیله یاپیلور و یشیل و قوری اغاجلردن تقطیر ایله سركه چیقاریله+بیلور. ساخته+كار سركه+جیلر صویه حامض كبریت علاوه+سیله ده سركه یپارلر ایسه ده استعمالی دیشلره مضر و مأمورلر طرفندن منعی لازمدر