سرف — لاتینجه+دن مأخوذ اوله+رق اسیر معناسنه+در سرفلر مالكی طرفندن تحدیه اولنان اراضی+یی زرع ایدوب حاصلاتندن هر یرده بر بشقه درلو موضوع قاعده+یه توفیقاً بر مقدارینی ویا زیاده+سنی ویورلر و ملك صاحبی ملكنی صاتدیغی زمان دروننده ساكن سرفلر دخی برابر صاتیلورلر و هیج بر وقت بو اسارتدن قورتیله+مزلر ایدی.
بو اصول مقدما اوروپانك همان هر طرفنده موجود ایكن صلیبیون محاربه+سنه پاپاسلر واسطه+سیله یعنی دیانةً سوق اولنان دره بكلرینك اكثریسی سفر مصارفنی چیقارمق ایچون تحت اسارتنده اولنلرك حریتلرینی كندولرینه صاتمغه مجبور اولدیغندن بو سایه+ده بر درجه+یه قدر تنزل ایتمشیدی اون التنجی لویی زمانده فرانسه اغنیاسنده و باخصوص پاپاسلرده بو اصول
ینه دوامه باشلادیسه ده (۱۷۷۹ م و ۱۱۹۴ ه) تاریخنده مومی الیه لویی بالجمه املاك میریه+دن اصول مزكوره+نك لغوینی فرمان و اون سكز سنه صكره تشكل ایدن قومسیون دخی قطعیاً ممنوعیتنی اعلان ایتمكله برطرف اولدی. روسیه دخی (۱۸۶۱ م و ۱۲۷۸ ه) تاریخنده لغوینی اعلان ایتدیسه ده لهستان اراضیسنك قسم اعظمنده حالا باقیدر