اسطوانه — علم هندسه+ده هر ایكی مسقوی اوزرنده بربرینه
موازی و هم مساوی اولان ایكی دائرە+نك مركزلری بیننه واصل اولان خط
مستقیمه موازی اوله+رق محیطلری اطرافنده دیكر بر خط مستقیمك دور
ایتدیرلمسیله حاصل اولان شكله اسطوانه دیرلر و مذكور دائره+لره
اسطوانه+نك قاعده+لری و مركزلری بینه واصل اولان خطه ارتفاعی
و محیطلری اطرافنده دور ایدن خطه مولدی تعبیر ایدرلر. و بر اسطوانه+نك
محوری قاعده+سنه عمود اولور ایسه اسطوانۀ قائم و عمود اولمز ایسه
اسطوانۀ مائل تسمیه ایلرلر بر اسطوانه+نك سطح مستدیرینك مساحۀ
سطحیه+سی قاعده+سی اولان دائره محیطنك ارتفاعنه حاصل ضربیله تقدیر
اولنور و فرضاً قاعده+سنك نصف قطری (٥) و ارتفاعی (٦) زراع اعشاری
اولسه س= ٢×٣,١٤×٥×٦ اولور و بالاصلاح سطح مستدیری
مساحه+سنك ١٧٧,٤٩٦ زراع اعشاری اولدیغی اکلاشیلور و مساحۀ
مجمیه+سی دخی قاعده+سی مساحۀ سطحیه+سنك ارتفاعنه حاصل ضربیله
تقدیر اولنور مثلا بر اسطوانه+نك قاعده+سنك مساحۀ سطحیه+سی (س)
زراع اعشاری مربعی و ارتفاعی (ع) و مساحۀ حجمیه+سی دخی (ح)
اولسه ح=س×ع مساحۀ حجمیه+سی دستوری اولور و اشبو دستوره
تطبیقاً هر بر اسطوانه+نك مساحۀ حجمیه+سی استحصال اولنور