سربداران — رستمدار و سبزوار و نیشابور حاكملرینه مخصوص بر عنواندر بو حكومتك صورت تأسسی بر طرز عجیب اوزره وقوعبولمشیدی شویله كه (۱۳۳۵ م و ۷۳۶ ه) تاریخنده (بیهق) قصبه+سی اهالیسندن عبدالرزاق نامنده بر جسور تاجر آل جنكیزك ضعف حالنی كوره+رك باشنه درتیوز قدر فدایی طوپلایوب بر حكومت تشكیلنه قرار ویررلر و تحكیم رابطۀ عهد و میثاق ایچون باشلرندن قاوقلرینی چیقاروب بر دار اغاجنه آصه+رق اشته بویله اولمك وار دونمك یوق دیرلر و خروج ایدرك ابتدا
سبزوار شهرینی ضبط ایله نائل مرام اولورلر مومی الیه (عبد الرزاق) ك اخلافی مؤخراً اپیجه قوت و مكنت پیدا ایمش و اللی ایكی سنه مقداری حكومت سورمشدر