لغات تاریخیه و جغرافیه

Lugat-ı Tarihiyye ve Coğrafiyye

سدوم

Sodom

سدوم — ارض كنعانده (عدور) یاخود (عمور) نام اراضیء وسیعه+نك حاوی اولدیغی بش ناحیه+در بو ناحیه+لر قرآن كریمده (مؤتفكات) لفظیله مذكور اولوب اسملری (سدوم) (بارع) (سباء) (ادوم) و (صاعیر)در. حضرت (لوط) علیه السلام (۳۵۵۸ خ) تارخندن یعنی میلادك ایكیبیك اوتوز التی سنه مقدمندن صكره نواحیء مذكوره اهالیسنه مبعوث اولدیسه ده اهالیء مرقومه مرتكب اولدقلری فحشیاتدن واز کچمدكلری جهتله غضب الهی+یه اوغرایوب مملكتلری خراب و كندولری كاملاً هلاك اولدیلر بو مملكتلر الیوم بحر لوط دنیلان كولك اولدیغی یرده ایدی (ادومیلر)ك (عقبه) نام اسكله+یه متصرف اولدقلرینه و تجارت بحریه ایله ده مألوف بولندقلرینه نطراً مذكور سدوم اراضیسنك بحر احمره قدر ممتد اولدیغی حس اولنور