لغات تاریخیه و جغرافیه

Lugat-ı Tarihiyye ve Coğrafiyye

سد چین

Sedd-i Çin

سد چین — اعاظم مصنوعات بشریه+دندر شویله كه طولی — بیك بشیوز میل اولوب ارتفاعی یكرمی بش و سمكی یعنی قلینلغی یكرمی قدمدر اوستی خیلی متسع بر جاده اولوب اوزرنده التی سواری یان یانه كیده+بیلور اساسدن التی قدم ارتفاعنه قدر چار+كوشه یونتمه طاشدن اولوب یوقاریسنك بعض محللری طوغله و بعضیلری كرپج ایله بنا اولنمشدر. اشبو سدی چینه جارملاصق اولان مغول و منجوق طائفه+لرینك هجوم و تجاوزندن احترازاً (چین شیهوانغتی) نام خاقان (٥۳٤۷ خ) تاریخنده یعنی میلادك ایكی یوز قرق یدی سنه مقدمنده بنا ایلمش ایسه ده حصول مقصده مدار اوله+میوب مؤخراً طوائف مذكوره ممالك چینه+یی ینه استیلا ایدرك زمام حكومت د خی اللرینه کچمش و بو صورتله برلشه+رك جمله+سی بر دولت جسیمه تشكیل ایلمشدر سد مذكورك بناسنده درت بش ملیون آدم اون سنه متوالیاً ایشلتدیریلوب بونلردن درت یوزبیکی بو یولده تلف اولمشدر بناسنده فوق الغایه اهتمام و اعتنا اولندیغی جهتله الیوم ایکی بیك ایكی یوز سنه مرور ایلدیکی حالده بر+وجهله خلپذیر اولمدیغی مثللو بوندن صكره دها نجه بیك سنه پایدار اوله+بیله جكی شبهه+دن ازاده+در