سخسار — ملوك فرسك كیانیان طبقه+سندندر بو ذات (٤۹٥۹ خ) تاریخنده یعنی میلادك التی یوز اوتوز بش یاخود اللی بش سنه مقدمنده (ماد) تخت حكمرانیسنه جلوس ایدوب تمام قرق سنه سلطنت سورمشدر براره+لق پدری (فراعورس)+ك انتقامنی آلمق ایچون آثوریلره ایتدیکی هجوم بوشه چیقدیسه ده یكرمی سنه صكره بابل والسیله عقد پیوند اتفاق ایدرك آثوریلرك پای تختی اولان (نینوه )+یی یره برابر و دولت آثوریه+یی زیر و زبر ایلدی بوكا فرنكلر (سیئازار) وچوقلری یوقارده كوسترلدیكی وجهله (سخسار) دییورلرسه ده طوغریسی (شیر شاه) اولمق کركدر