سحر — احوال فلكیه و اوضاع كواكبدن و بونلردن هر برینك مواد ارضیه یعنی موالید ثلثه ایله ارتباط و امتزاجندن و صورت تدبیر و سائره+سندن باحث بر علمدركه اكثر عقوله سببی خفی و استنباطی صعب وقوی بر طاقم افعال غریبه و اسرار عجیبه اظهار ایلر بونك شریعت اسلامیه+ده
اعمال و اجراسی حرام ایسه ده مجرد ضررندن حذر ایچون تحصیلنه مساعده واردر.
طرق سحرده حكمای اسلاف اختلاف ایتدیلر هندلیلرجه سحر تصفیۀ نفسدر (مرأة المعانی فی ادراك العالم الانسانی) نام بو كتاب بو طریق اوزره در. و نبطیلرجه بعض اوقات مناسبه+ده عمل عزایم اولوب ابن وحشیه+نك
كتاب (سحرالنبط)+ی بوكا پیرودر. و یونانیلر عندنده دخی روحانیت افلاك و كواكبی تسخیر اولوب (كتاب الوقوفات للكواكب وارستطالیسك(كتاب طیماوس)+ی و مجریطی+نك (غایة الحكیم) نام اثری هپ بو ذهابه مبتنیدر. مسلك عبرانی و فبط و عرب ایسه بعض اسماء مجهولة المعانی (یعنی اقسام و عزایم) ذكرندن عبارت اولوب كویاكه بونكله طائفۀ جنی قهره مأمور اولان ملائكه+یی تسخیر ایدرلر. خوار زمینك (كتاب الجمهره)+سی و ایضاح اندلسی) و خلف ابن یوسف الدسماسانینك (كتاب العما)+سی و (كتاب البساتین لاستخدام الانس لارواح الجن و الشاطین) و (بغیة الناشد و مطلب القاصد) دخی شو صوك خرافات اوزرینه تألیف اولنان كتابلردندر. طلسم و عزایم کلمه+لرینه دخی مراجعت بیوریله