سچلیا — ایتالیا نیم جزبره+سنده مسینا بوغازی ایله منفصل اولان و الیوم ایتالیا دولتی اداره+سنده بولنان بر اطه+نك اسمیدر بوراسی مقدما اسپانیا ممالكندن معدود ایكن صكره+لری ناپولی و سچلیا ناملرنده ایکی قراللق اولمش و مؤخراً یعنی (۱۸٦۰ م و ۱۲۷۷ ه) تاریخنده وقوعبولان انقلابده دخی هرایكیسی برلشدیریله+رك(شمدی ایتالیا نامنی آلان) ساردنیا قراللغنه ویرلمكله ایتالیا دولتی وجوده كلمشدر سچلیانك مركز اداره+سی اولان (پالرمو) و حوالیسی (۸۳٥ م و ۲۲۰ ه) تاریخنده دخی اسلاملر طرفندن بش سنه محاصره ایله ضبط اولنارق بر كوچك امارت حالنه قونلمشیدی. سچلیاده پالرمو و مسینایه بكزر یدی ایالت واردر وقتیله معمور و مشهور بر جزیره ایدیسه ده شمدی خراب و ایكی ملیوندن عبارت بولنان اهالیسی اكثريت اوزره فقیر وبیتابدر. سچلیاده (ساقا) شهری قارشوسنده (۱۸۳۱ م و ۱۲٤۷ ه) تاریخنده بر كوچك اطه ظهور ایدرك (ترینا) نامی ویریلوب مدت قلیله ظرفنده ینه چیقدیغی یره با تمشیدی