اسطرلاب — كواكبك رصدلریله طول و عرضلرینی حسابده
استعمال اولونور بر آلتدر بوده ایكی نوع اولوب نوع اولی بربری
ایچنده درت دائره+دن عبارت اولور و برنجی دائره دائرۀ خسوفی و ایكنجی
دائرۀ انقلابین نقطه+لرندن مرور ایدن نصف النهاری و اوچنجی دائره
خسوفك قطبلری اطرافنده دور ایدرك كواكبك عرضلرینی كوسترر
و دردنجی دائره داخلی و هدفه+لر ایله مجهز اولدیغندن بونکله رصد ایدیلور
و اسطرلاب قطبی دنیلان نوع ثانیسی دخی كرۀ ارضك قطبلرك برندن مرور
ایدن خطوط مستقیمه واسطه+سیله خط استوایه موازی سطح اوزرنده
مرتسمنی ارائه ایدر صورتده یاپلمش نصف كره+دن عبارت اولور و بونده
نصف النهار دائره+لری خطوط مستقیمه ایله كوستریلور.