ست الوزرا — مشایخ علمای حنبلیه+دن علامه وجیه الدین حضرتلرینك حفیدەسی بر محدثۀ مشهوره+در صحیح بخاری ایله مسند امام شافعی+یی ابو عبدالله زبیدیدن سماعاً اخذ و تعلم ایتمش و پدرندن دخی ایكی جزؤ حدیث اوقومشدر صلاح الدین صفدینك بیاننه كوره عصرینك مسنده+سی یعنی اسناد حدیث امر مهمنده جمله+نك مسلمه+سی ایدی مصره دعوت اولنه+رق اوراده كندوسندن امیرسیف الدین ارغون ایله قاضی كریم الدین كبیر اخذ حدیث ایتمشلردر ولادتی (۱۲۲٦ م و ٦۲٤ ه ) وفاتی (۱۳۱۷ م و ۷۱۷ ه) اوله+رق سنی طقسانی کچمیشیدی بخاریء شریفی دفعات ایله اوقوتمش و ایكی كره حج ایلمش و درت قوجه+یه وارمشدر دردنجیسی مشاهیردن نجم الدین الرحمن شیرازیدر صفدینك استاذی (ذهبی) مسند امام شافعی+یی مومی الیهادن اوقومش و كتاب مذكوری اواسانیدایله اك صكره اوقوتان مزبوره اولمشدر
مشاهیر علمادن دها پك چوق ذوات مومی الیهادن استماع علم ایلدی. (ست الوزرا) (بنت الشیخ العدل الرئیس تاج الدین) دخی علم حدیثده استاذ عصر ایدی (۱۲٤۱ م و ٦۳۹ ه)+ده تولد و ( ۱۳۱٥ م و ۷۱٥ ه)+ده
سودا غلبه+سیله شعورینه خلل كله+رك وفات ایلمشدر