لغات تاریخیه و جغرافیه

Lugat-ı Tarihiyye ve Coğrafiyye

سپیون

سپیون — روما جنراللرندندر قرتاجلولر رومالیلری فنا حالده پریشان ایتمش و رومایه كیرمكه آز برشئ قالمش ایكن مومی الیه (٥۳۹۳ خ) تاریخنده یعنی میلادك ایكیوز بر سنه مقدمنده یكرمی درت یاشنده اولدیغی حالده اسپانیاده كی مغلوب اردونك سرعسكرلكنی درعهده ایلمش و اراده+کی قارتاجلیلری دفع و ترسانه+لرینی خراب ایتدكدن صكره افریقایه کچوب پای تختلری اولان قرتاجنه+یی تحت محاصرەیه آلدیغی كبی(ظاما) محاربه+سنی دخی قزانه+رق تونسی ضبط ایلمش اولدیغندن قرتاج اردوسی رومایی تضییقدن فراغتله پای تختلرینی قورتارمق اوزره رجعته مجبور اولمشدر و بو مناسبتله رومالولر قارتاجلولرك دوننماسنی و اسپانیاده+کی ممالكنی آله+رق عقد مصالحه ایدوب ایكنجی (پونیق) محاربه+سنه نهایت ویرمشلردر. (انیبال) كلمه+سنه دخی مراجعت بیوریله