سپطای خیوی — حكمای یهودیه+دندر (۱٦٤۰ م و ۱۰٥۰ ه) یاخود ( ۱۰۳٥ ه ) تاریخنده ازمیرده طوغمش و (۱٦۷٦ م و ۱۰۸۷ ه) سنه+سنده وفات ایلمشدر مومی الیه مصر تركستان اوروپا طرفلرنده سیاحنتله پك چوق علوم و فنونه و علم سیمیایه مالك اوله+رق کركی كبی شهرت بولدقدن و برطاقم آثار غریبه كوسترەرك هركسی كندویه بند ایلدكدنصكره قدس شریفه كلمش و مسیح منتظر بنم دیه+رك میدانه چیقوب اعلان سلطنته قدر قالقشمش ایدی براز مدت صكره درسعادته دخی كلوب باشنه برچوق كمسه+لر طوپلاندیغی كوریلنجه دولت علیه مأمورلری تحقیقه و ادرنه+ده بولنان ذات شاهانه+یه عرض و اخباره مجبور اولدی و النان امر اوزرینه ادرنه+یه كوندرلدی مرقوم حضور شاهانه+ده استجواب اولنور ایكن شوكت و مهابت پادشاهی تأثیر ایدرك كندوسی و عونه+سی قبول دین مبین ایلمسنه باءً جمله سی بردن سلانیكه ارسال و اسكان ایدلدی. بونلر كیدرك چوغالوب (سازان) و ( هونیوز) و (قوایروس) ناملریله اوچ فرقه تشكیل ایتمشلر ایدی