سبته — مغرب زمینده جبل طارقك قارشوسنده بر شهردر بو شهر اسپانیا اداره+سنده اولوب اون بیك نفوسی حاوی و منفالرك اك مهمیدر بر موقع مستحصنی و بر پسقیوسلغی واردر. شهر مذكور قارتاجلولر طرفندن تأسیس اولندی بر زمان روما كوچلری ایله معمور و وموریتانیا تنژيتانك كرسیء ادارەسی ایدی مؤخراً وانداللره صكره عربلره کچه+رك (۱٤۱٥ م و ۸۱۸ ه) تاریخنده پورتكیزلر و(۱٥۸۰ م و ۹۸۸ ه ) ده دخی بالجمله پورتكیز مستملكاتیله برابر اسپانیوللر طرفندن ضبط اولندی. و قتیله (ابیلا) تسمیه اولنان سبته طاغی بورایه قریب بر محلده بولنور اشبو طاغ اسیانیاده بولنان قالپه طاغی ایله برابر هركولك عمودلرینی تشكیل ایلر ایدی