سبتم سور — روما شرق ایمپراطورلرندندر ابتدا امرای عسكریه+دن ایكن قومانداسنده بولنان عسكرك جلب انظار خشنودیسی سایه+سنده صاعد سریر حكمرانی و مظفریات جسیمه و عدیدەیه نائلیتله زماننك مشار بالبنانی اولدی فقط (۱۹٦ م) تاریخنده اوچ سنه محاصره ایله قزاند یغی (بیزانس) شهری مظفریتی غالبدن زیاده مغلوبك اعتلای نام و شاننه بادی بر وقعه صایلسه دها لایق كورنور چونكه بیزانسیلر بو مدت مدیده ایچنده ذخیره و حیواناتی بتوردكدن صكره مدافعۀ اعدا یولنده انسان
و حیوان لاشه+لریله سدرمق ایلمشلر و الات حربیه+لریده قالمدیغندن قاریلرینك قیمتلی صاچلرندن صپان و خلاط یاپوب آنكله دشمنه طاش یاغدیرمشلر ایدی