سپاهی — دولت علیه+ده مقدما استخدام اولنمش بر نوع تیمارلو — سواری عسكریدر اوجاق زاده یعنی عسكرزاده اولمیان و سرحد بکلمیان و بر یرالق ایتمیانلر سپاهی اوله+مز و بونلرك قلیج حقی تعبیر اولنان تیماری اوچ بیك اقجه+دن التی بیك اقجه+یه و ترقیسی ١٩,٩٩٩ اقچه+یه قدربالغ اوله+بیلوب بوندن ایلرویه كیده+مز وحل وقوعنده قلیج حقی اولان اصل تیمار اولاده انتقال ایدر ایسه ده ترقیسی ویریله+مز ایدی بر سپاهینك تیماری قلیج حقنی تجاوز ایتدیكی یعنی آز چوق ترقی ویرلدیکی حالده او سپاهی محاربه+یه كیدركن بر ویا ایکی (جبه+لو) كوتورمك قانونلری اقتضاسندن ایدی. تیمارلولرك بیوكلرینه (زعما) و دها بیوكلرینه (امرا) دیرلر اناطولیده بولنان سپاهی و زعما و امرانك مقداری یدی بیك و روم ایلیده بولنانرك مقداری طقوز بیك قلیجی تجاوز ایتمدی. بونلرك كافه+سی بر محاربه+یه مأمور اولدقلری زمان قانوناً برلكده كوتورمكه مجبور اولدقلری جبه+لولری و خدمتكارلریله برابر یوز بیك نفره بالغ اولورلر ایدی. (زعیم) كلمه+سنه دخی نظر بیوریله