سباء — قبائل یمنك جد اعلاسی صاییلان یشحب بن یعرب بن قحطانك اوغلی و خلفی و(مأرب) شهر و سدینك بانیسی اولان ذاتك اسمیدر بونك بر اسمی دخی (عبدشمس) ایدی. ملوك حمیریه و كهلانیه+نك برنجیلری اولان حمیر و كهلان بونك اوغللرندندر وفاتندن صكره خلف اولدیلر بعضاً مأرب شهرینه دخی (سباء) دنیلور بوراسی روما ایمپراطورلغی و بطالسۀ مصریه زمانلرنده (عدن و بصره و سوریه) بیننده مهم بر واسطۀ تجارت ایدی. واهالیسی اول وقت عربستانده بولنان اقوامك اك غنیسی اولوب مرصافی كونلك دارچین خرما شرابی وسائره تجارتندن خیلی استفاده ایدرلر و تعجبی جلب ایدەجك مقدار التون کموش طوپلارلر ایدی. عربستانك ساحل شرقیسنده سباء و یاشبك نامیله موجود دیكر بر شهر دها اولوب اشبو شهرك دخی سباءنام خاتونك مقر حكومتی ایدوكنی روایت ایدرلر برنجی سباءشهری (۳۲٥۳ خ) تاریخنده یعنی میلادك ۲۳٤۱ سنه مقدمنده سیل عرمدن خراب اولمشدر. (عرم) و (مأبر) كلمه+لرینه دخی نظر بیوریله