سان سوه+رو — ناپولی معارفپرورانندن (۱۷۱۰ م و ۱۱۲۲ ه)تولود و (۱۷۷۱ و م ۱۱۸٥ ه) تاریخنده وفات ایتمش بر ذاتدر اولا سلك عسكری+یه دخالتله آزوقت ایچنده كسب امتیاز ایلدیسه ده علوم و فنونه توغل هوسیله خدمت عسكریه+یی پك تیز براقمشیدی. فن حرب جراثقال بویا و فن تصویره دائر بر طاقم كشفیات و مخترعات مفیده+سی واردر ساقس مارشالی و بیوك فرەدریق طرفندن آرزو اولنان تصفیف عسكری اصول جدیدەسنی اختراع ایلدی كه بو اصولك تعریفی (۱۷٦۰ م) ده منتشر اولمش و مومی الیه دها بعض طوب و تفنك كبی شیلر اعمال ایلمشدر. مومی الیه درت تكرلكلی عربه+یی سطح دریاده یورتدیردی و بر لامبه ایجاد و طباعتی وقماش اوزرینه بصمه+یی اكمال ایتدیردی دیرلر